tg-me.com/annsar313/22577
Last Update:
شوكت ابدي اراجع؟ وكم مراجعة لازم اراجع؟
شوف اول شي لا تراجع الا تضبط المواد او يبقى منها جزء كُلش قليل بوقت المراجعة تكدر تخصصله وقت وتسيطر عليه ، ودير بالك تستعجل وتقرا كلاوات فقط حتى تعبر وتبدي تراجع لان وقت المراجعة راح تصير عليك دراسة من جديد وتتأزم نفسيتك وتتعب 🩵🌷.
وما عليك بغيرك، وين وصل، وبدأ يراجع من 4/1 او من غير وقت، المهم انت تدرس وتضبط المادة وتراجع بالتاريخ اللي تشوف نفسك سيطرت وراح فقط تكون مراجعة، مو حفظ من جديد!
كُل طالب مسؤول عن نفسه، ما عليكم بغيركم!
اما مسألة كم مراجعة لازم تراجع، فهالشي متروك الك، اني ما يهمني عدد المراجعات، بقدر ما يهمني المراجعة تكون مضبوطة! وتسيطر ع المادة وتعرف كُل صغيرة وكبيرة بيها، حتى لو راجعت 10 مرات وكانت قرايتك كلاوات، صدكني المراجعة الوحدة اضبط منهن..
الخلاصة، مو مهم عدد المراجعات مراجعة وحدة مضبوطة افضل من 3 تقرأ بيهن ع سريع وتمشي مثل الطيارة وتكضيها كلاوات..المهم تضبط المادة حتى من تجي ليلة الامتحان انت مسيطر كليا ع المادة 🩵🩵🌷.
" منقول "
BY أنصار الإمام المهدي عج)313
Share with your friend now:
tg-me.com/annsar313/22577